Presidenti i Shqipërisë, Bajram Begaj ka pritur në takim presidente e Komisionit Evropian, Ursula von der Leyen.

Begaj ka shprehur mirënjohjen e tij për të, dhe për përkushtimin e saj personal për përshpejtimin e procesit të hapjes së të gjithë kapitujve për Shqipërinë deri në fund të vitit 2025.

“I lumtur të takohem me Presidenten Ursula Von der Leyen e të shkëmbejmë në një diskutim të hapur pikëpamjet mbi integrimin e Shqipërisë dhe rajonit në BE. Mirënjohje, Presidente Von der Leyen, për përkushtimin tuaj personal për përshpejtimin e procesit të hapjes së të gjithë kapitujve për Shqipërinë deri në fund të vitit 2025”, shkroi Begaj në Facebook.

“Do të bëjmë gjithçka që t’i përgjigjemi aspiratës së shqiptarëve për anëtarësimin e plotë në BE”, u shpreh Begaj./Arbresh.info/